လုပ်ငန်းခွင်ဝင်နေကြတဲ့သူတွေ ဝင်ငွေခွန်တွေသာ တစ်လတစ်လဆောင်နေကြတယ်။ အခွန်ဆောင်တဲ့အတွက် ဘယ်လိုအခွင့်အရေးတွေရရှိနိုင်မလဲဆိုတာကိုတော့ အသေးစိတ်သိကြတဲ့သူတွေ နည်းပါတယ်။ ဒါကြောင့်ဒီနေ့မှာတော့ ဝင်ငွေခွန် (Income Tax) အကြမ်းဖျင်းတွက်ကြည့်လို့ရမယ့်နည်းလမ်းနဲ့ အခွန်ဆောင်တဲ့အတွက် ဘယ်လိုအခွင့်အရေးတွေ၊ သက်သာခွင့်တွေရရှိမလဲဆိုတဲ့အကြောင်းအရာတွေကို Share ပေးချင်ပါတယ်။
အောက်ပါအချက်အလက်များသည် မြန်မာနိုင်ငံ Internal Revenue Department မှ တရားဝင်သတ်မှတ်ထားသော အချက်အလက်များဖြစ်ပါသည်။
ဝင်ငွေနှင့်တာဝန်
တစ်ဦးချင်းပုဂ္ဂိုလ်များအနေဖြင့်
လစာဝင်ငွေရရှိလျှင် (ဝင်ငွေခွန်)
မြေငှားရမ်းခြင်း၊ အဆောက်အအုံငှားရမ်းခြင်း၊ အခန်းငှားရမ်းခြင်းမှဝင်ငွေရရှိလျှင် (ကုန်သွယ်လုပ်ငန်းခွန်နှင့်ဝင်ငွေခွန်)
အခြေပစ္စည်းတစ်ခုခုရောင်းချ၍ မြတ်စွန်းငွေရရှိလျှင်(ဝင်ငွေခွန်)
အိမ်ခြံမြေ၊ အဆောက်အဦး၊ မော်တော်ယာဉ်၊ ရေယာဉ်များ ဝယ်ယူတည်ဆောက်ခြင်းနှင့် အစုရှယ်ယာထည့်ဝင်ခြင်းတို့အတွက် ဝင်ငွေရလမ်းတင်ပြနိုင်ခြင်းမရှိလျှင် (ဝင်ငွေခွန်) အသီးသီး ပေးဆောင်ရပါမှာဖြစ်ပါတယ်။
အခွန်ကျသင့်ခြင်းနှင့် အခွန်တွက်ချက်ခန့်မှန်းခြင်း ( Taxation & Calculation )
လစာဝင်ငွေခွန် တွက်ချက်ခြင်း
နှစ်တစ်နှစ်အတွင်း လစာဝင်ငွေ ကျပ် ၄၈ သိန်း အထက်ရရှိပါက အဆိုပါ စုစုပေါင်းဝင်ငွေမှ ဝင်ငွေခွန်ဥပဒေ ပုဒ်မ ၆ အရ သက်သာခွင့်များကိုနုတ်ပယ်ပြီးနောက် ကျန်ငွေအပေါ် အောက်ပါ ဝင်ငွေအလွှာလိုက်နှုန်းထားအတိုင်း ဝင်ငွေခွန်ကျသင့်မှာဖြစ်ပါတယ်။
|
အခွန်ဆောင်ခြင်းကြောင့်ရရှိမည့်အခွင့်အရေးများ
သက်သာခွင့် (Relief)
ဝင်ငွေခွန်ဥပဒေပုဒ်မ ၆ အရ
အခြေခံသက်သာခွင့် (စုစုပေါင်းဝင်ငွေ၏ ၂၀ ရာခိုင်နှုန်း၊ ကျပ်သိန်း ၁၀၀ ထက်မပိုစေရ)
အတူနေမိဘအတွက် သက်သာခွင့် (တစ်ဦးလျှင် ၁၀ သိန်းစီ)
အိမ်ထောင်ဖက်တစ်ဦးအတွက်သာလျှင် သက်သာခွင့် (ကျပ် ၁၀ သိန်း)
သားသမီးအတွက် သက်သာခွင့် (တစ်ဦးလျှင် ကျပ် ၅ သိန်းစီ)
အသက်အာမခံအတွက်ပေးရသည့်ပရီမီယံ (အခွန်ထမ်းနှင့်အိမ်ထောင်ဖက်အတွက်)
လူမှုဖူလုံရေးရန်ပုံငွေသို့ထည့်ဝင်ငွေ (အခွန်ထမ်းအတွက်သာ)
အိမ်ခြံမြေ၊ အဆောက်အဦး၊ မော်တော်ယာဉ်၊ ရေယာဉ်များ ဝယ်ယူတည်ဆောက်ခြင်းနှင့် အစုရှယ်ယာထည့်ဝင်ခြင်းတို့အတွက် ဝင်ငွေခွန်ဆောင်ပြီးထားပြီဆိုရင် ထိုပမာဏအတိုင်း ဝင်ငွေခွန်သက်သာခွင့်
တစ်ဦးချင်းပုဂ္ဂိုလ် (ပြည်ပနေနိုင်ငံခြားသား) တွေကတော့ အထက်ပါသက်သာခွင့်တွေရရှိမှာ မဟုတ်ပါဘူး။
ကင်းလွတ်ခွင့် (Exemption)
နှစ်တစ်နှစ်အတွက် လစာဝင်ငွေ (၄၈) သိန်းအထိ ဝင်ငွေခွန်ကင်းလွတ်ပါတယ်။
နှစ်တစ်နှစ်အတွင်း မြေငှားရမ်းခြင်း၊ အဆောက်အအုံငှားရမ်းခြင်း၊ အခန်းငှားရမ်းခြင်း ရငွေ ကျပ်သိန်း ၅၀၀ ထိ ကုန်သွယ်လုပ်ငန်းခွန် ကင်းလွတ်ခွင့်ရရှိပါတယ်။
အခြေပစ္စည်းမှမြတ်စွန်းငွေရရှိသူအနေဖြင့် နှစ်တစ်နှစ်အတွင်းရောင်းချသည့်ပစ္စည်းတန်ဖိုး စုစုပေါင်း ကျပ်သိန်း ၁၀၀ မကျော်လျှင် မြတ်စွန်းငွေပေါ်ပေါက်စေကာမူ ဝင်ငွေခွန်ကင်းလွတ်မှာဖြစ်ပါတယ်။
ပြန်အမ်းငွေတောင်းပိုင်ခွင့် (Refund)
နှစ်အတွင်းပေးဆောင်ခဲ့သောအခွန်သည် ဥပဒေအရ အမှန်ပေးဆောင်ရမည့် အခွန်ထက်ပိုနေလျှင် အထောက်အထားပြသ၍ ပြန်အမ်းငွေလျှောက်ထားနိုင်သလို၊ ပေးဆောင်ရမည့်အခွန်တွင် ခုနှိမ်ပေးရန် (သို့မဟုတ်) ဝင်ငွေနှစ်အတွင်းပေးသွင်းသည့် ကြိုတင်ခွန်အဖြစ် သတ်မှတ်ပေးရန်တင်ပြနိုင်ပါတယ်။
အယူခံနိုင်ခွင့် (Appeal)
မိမိနှင့်သက်ဆိုင်သည့် မည်သည့်အမိန့်ကိုမဆို ကျေနပ်မှုမရှိလျှင် သက်ဆိုင်ရာအခွန်ဥပဒေများနှင့်အညီ အယူခံဝင်ပိုင်ခွင့်ရှိပါတယ်။
ဆောင်းပါးမှာထည့်သွင်းဖို့ အခြားမှန်ကန်တဲ့အချက်အလက်တွေ လိုအပ်မှုရှိတယ်ဆိုရင် ဖြည့်သွင်းပြင်ဆင်နိုင်ဖို့အတွက် Comment box / Chat box မှာအကြံပြုပေးပါရှင်..
ဝင်ငွေခွန်နှင့် လစာတွက်ချက်ခြင်း၊ ဝန်ထမ်းများအား တိကျမှန်ကန်သောလစာငွေအား အချိန်မီလစာပေးနိုင်ရင် ဆောင်ရွက်ပေးခြင်း၊ အစိုးရရုံးကို ပေးဆောင်ရမည့်အခွန်ငွေများအား တိကျစွာအခွန်ဆောင်ပေးကာ အခွန်စလစ်များအားကုမ္ပဏီအားအပ်နှံခြင်းစသည့် Payroll Outsourcing Services ကို ကျွန်မတို့ MP&O (Myanmar Payroll and Outsourcing) Company မှ တာဝန်ယူပေးပါရစေ… Payroll Outsourcing နဲ့ပတ်သက်ပြီး Free Consultation ရယူရန်အတွက် MyWorld Careers Facebook Page ကနေတစ်ဆင့်ဖြစ်စေ၊ peo@myworld.com.mm သို့ Email ပို့ပြီးဖြစ်စေ Appointment ရယူနိုင်ပါတယ်။