We Find The Best Local Talent

ဒီလို အခြေအနေမျိုးကို ဘယ်သူမှတော့ ကြုံချင်ကြမှာ မဟုတ်ပါဘူး။ ကိုယ်တကယ်စိတ်အားထက်သန်တဲ့ အလုပ်မျိုးကိုပဲ လက်ခံချင်ကြမှာပါ။ ဒါပေမယ့်လည်း တကယ့်လက်တွေ့ မှာတော့ အနည်းနဲ့အများ ကြုံတွေ့ကြရမှာဖြစ်ပြီး ဆုံးဖြတ်ချက်ချဖို့လည်း တကယ်ခက်ခဲပါတယ်။ အထူးသဖြင့် ဒီလို အချိန်အခါမျိုးမှာ တကယ်ကိုယ်နဲ့ သင့်တော်ပြီး ကိုယ်ကိုယ်တိုင်လည်း စိတ်အားထက်သန်မှုရှိတဲ့ အလုပ်တခုရနိုင်ဖို့ရာ မလွယ်ကူနိုင်ပါဘူး။ ကိုယ်ရထားတဲ့ Job Offer တစ်ခုက တာဝန်ယူရမယ့် အပိုင်းဖြစ်စေ၊ လုပ်ခလစာကြောင့်ဖြစ်စေ၊Company Image တစ်ခုခုကြောင့်ဖြစ်စေ အလုံးစုံထည့်သွင်းစဉ်းစားပြီးမှ ကိုယ့် Career Development အတွက် ရေရှည်စဉ်းစားပြီးမှ လက်ခံရင်အကောင်းဆုံးပါပဲ။ အခက်အခဲဖြစ်နေတဲ့ အချိန် Pressure တစ်ခုရနေတဲ့ အချိန်မျိုးမှာဆို Job Offer တစ်ခုလက်ခံဖို့ ပိုလို့တောင် သတိထားရမှာပါ။ သင် ပထမဆုံး ပြန်စဉ်းစားရမှာက အလုပ်တစ်ခုကို ဘယ်လို အခြေအနေမျိုးမှာ လိုအပ်နေခဲ့တာလည်းဆိုတာပါပဲ။ အလုပ်လက်မဲ့ဖြစ်နေလို့ အရေးတကြီး လိုအပ်တာမျိုးလား ဒါမှမဟုတ် လက်ရှိအလုပ်နဲ့ ဘယ်လိုမှ ဆက်လက်တွဲလို့ မရတော့တာလား၊ နောက် လက်ရှိအလုပ်နဲ့ အဆင်ပြေနေရဲ့လား၊ ဒီထက်ကောင်းတဲ့ အလုပ်အခွင့်အလမ်းတခုကို သင်မျှော်လင့်ပြီး အလုပ်လျှောက်ခဲ့တာလား ဆိုတာပါပဲ။ ဒီအချက်တွေပေါ် မူတည်ပြီး သင်ဦးစားပေးသင့်တဲ့ အရေးကြီးတဲ့ လိုအပ်ချက် တစ်ချက်ခြင်းစီကိုပဲ စဉ်းစားသင့်ပါတယ်။ ဥပမာ သင် အလုပ်လက်မဲ့ ဖြစ်နေတဲ့ အချိန်မျိုးမှာ Job Offer တခု ဒီလို Pandemic အခြေအနေမျိုးမှာ ရရှိထားရင် တွေးစရာ အချက်အလက်အများကြီးမရှိနိုင်ဘူးလို့ ယုံကြည်မိပါတယ် အဓိက Company Image ကလည်း အဆင်ပြေမယ်၊ ကိုယ့် အရင်က ရဖူးတဲ့ လုပ်ခလစာ နဲ့ ကွာဟမှု သိပ်မရှိ၊ ကိုယ့် Professional Career မပျောက်ဘူးဆို ကျွန်တော်တို့ လွယ်လွယ်ကူကူ လက်ခံမိမှာပါ။ ဒီနေရာမှာ ပိုပြီး Secure ဖြစ်အောင် လေ့လာသင့်တာကတော့ ကိုယ် Job Offer လက်ခံမယ့် Company ရဲ့ Business Growth နဲ့ Turnover Rate ဝန်ထမ်း အဝင်အထွက်နှုန်းပဲ ဖြစ်ပါတယ်။ ကိုယ့်မှာ အလုပ်မရှိဘူး ဆိုပေမယ့်လည်း အလုပ်တစ်ခု လက်ခံဖို့ရာ Company ဘက် ကိုယ့်ဘက် နှစ်ဘက်စလုံး နစ်နာမှုမရှိအောင် အချိန်ယူစဉ်းစားစေချင်ပါတယ်။ ဒီနေရာမှာ Job Offer ပေးနေတဲ့ Company အပေါ်လုံးဝ စိတ်ဝင်စားမှုမရှိဘဲ အလုပ်မရှိလို့ လပိုင်းလောက် ခဏဝင်လုပ်လိုက်မယ်ဆိုတဲ့ ရည်ရွယ်ချက်မျိုး မရှိစေချင်ပါဘူး။ ဒါဟာ သင့် Career Progress ရော Job Offer ပေးတဲ့ Company အပေါ်မှာပါ အကျိုးမရှိစေနိူင်တာတော့ အသေအချာပါပဲ။လက်ရှိ Global Business Crisis ကြောင့် သင့်ရဲ့ အကျိုးခံစားခွင့် Expectation ကို ပြန်လည် ဆန်းစစ်ဖို့လည်း လိုအပ်ပါလိမ့်မယ်။ လုပ်ခလစာ တစ်ခုတည်းအပေါ်မှာပဲ ဦးစားပေး စဉ်းစားတာဟာလည်း တကယ်ကောင်းမွန်တဲ့ အလုပ်အကိုင် အခွင့်အလမ်းတွေကို လက်လွှတ်မိတတ်ကြပါတယ်။ နောက်ဆုံး အကြုံပြုလိုတာကတော့ ဘယ်လို အခြေအနေမျိုး မှာ Job Offer လက်ခံရမယ်ဆိုတာထက် လက်မခံဖို့ စဉ်းစားရမယ့် အချက်အလက်လေးတွေပါပဲ။ Job Offer လုပ်ခလစာ ဘယ်လောက်ကောင်းကောင်း Company ဟာ ဈေးကွက်အတွင်း နာမည်ပျက်ရှိနေတဲ့ အဖွဲ့အစည်းမျိုး Labor Law မှာ အများဆုံးသတ်မှတ်ထားတဲ့ အလုပ်ချိန်ထက် အဆမတန်များပြားနေမှု သင် တာဝန်ယူရမယ့်အပိုင်းမှာ အရင်တာဝန်ယူထားသူရဲ့ ငွေရေးကြေးရေးဆိုင်ရာ အရှုပ်အထွေးရှိနေနိုင်မှု Job Description မှာ သင်လုံးဝမလုပ်ချင်သော Duties များပါဝင်နေမှု လုပ်ရမည့် Job Scope ထက် Manpower အဆမတန်နည်းနေမှု လက်ရှိ ကိုယ်လုပ်နေတဲ့ Professional Career နှင့် မသက်ဆိုင်သော Job Offer (နောက်ပိုင်း Career ပျောက်ပြီး အလုပ်ရှာရ ပိုမိုခက်ခဲနိုင်ပါတယ်) ဖော်ပြထားတဲ့ အဓိက အချက်အလက်တွေ ရှိမရှိ သင် အလုပ်အင်တာဗျူးမဝင်ခင်ကတည်းက သိရှိဖို့ ကြိုးစားထားရင်အကောင်းဆုံးပါပဲ။ မရှိရင်တော့ သင့် လက်ရှိ အလုပ်လိုအပ်နေတဲ့ အခြေအနေပေါ် မူတည်ပြီး ဆုံးဖြတ်စေချင်ပါတယ်။ အရေးကြီးဆုံး တစ်ခုကတော့ ရေတိုအတွက် ဆုံးဖြတ်ချက်အမှားတွေ မချမိဖို့ပါပဲ။ အကယ်၍ သင်လက်ရှိ Job Offer တခု လက်ခံဖို့ စဉ်းစားနေပြီး ဆုံးဖြတ်ချက်ချဖို့ အခက်အခဲဖြစ်နေရင်လည်း MyWorld Careers ရဲ့ Recruitment Consultants တွေနှင့် အသေးစိတ် ပွင့်ပွင့်လင်းလင်း ဆက်သွယ် ဆွေးနွေးနိုင်ပါတယ်လို့ ဆန္ဒပြုလိုက်ပါတယ်။ ကျွန်တော်တို့ ရရှိထားတဲ့ Market Information တွေနဲ့ အတတ်နိုင်ဆုံး Confidential အနေနဲ့ ဆွေးနွေးပေးသွားဖို့ အသင့်ရှိနေမှာပါ။​To Read More Articles -အလုပ်လျှောက်တဲ့လူတွေအတွက် Recruitment ကုမ္ပဏီတွေ ဘယ်လိုမျိုးလုပ်ကိုင်ဆောင်ရွက်ပေးနေလဲ?လက်ရှိရာထူးထက်နိမ့်တဲ့ Position၊ လစာနည်းတဲ့အလုပ်ကိုလျှောက်သင့်လား?Career Break ယူဖို့လိုအပ်လား? ဘယ်အချိန်တွေမှာ Career Break ယူဖို့အသင့်တော်ဆုံးလဲ?

​အခုချိန်မှာအားလုံးက အလှည့်အပြောင်းတွေ ရိုက်ခတ်မှုတွေကြောင့် စိတ်ဖိစီးမှုတွေ၊ အနာဂါတ်နဲ့ပတ်သက်ပြီး မရေရာမသေချာမှုတွေ၊ စိတ်ပင်ပန်းမှုတွေနဲ့ ရင်ဆိုင်နေကြရမှာပါ။ ဘဝမှာ ကောင်းတစ်လှည့်၊ ဆိုးတစ်လှည့် အမြဲဖြစ်နေတဲ့အခါမှာ အဆိုးတွေနဲ့မလွဲမသွေကြုံတွေ့ရရင်လည်း ကောင်းကောင်း ရင်ဆိုင်ဖြေရှင်းကျော်လွှားနိုင်ဖို့ စိတ်ရောလူပါ ကျန်းမာနေဖို့ကအရမ်းအရေးကြီးပါတယ်။ ဒီတော့လက်ရှိကြုံတွေ့နေရတဲ့ Stress တွေ၊ Anxiety တွေကို တတ်နိုင်သမျှလျှော့ချနိုင်အောင် အထောက်အကူဖြစ်စေမယ့် နည်းလမ်းလေးတွေမျှဝေပေးချင်ပါတယ်။ ​အိပ်ရေးဝဝအိပ်စက်အနားယူပါ။ ကျန်းမာရေးကအရေးအကြီးဆုံးပါပဲ။ ကျန်းမာနေမှတခြားဟာတွေဆက်လုပ်လို့ရမှာပါ။ လုံလောက်တဲ့အိပ်စက်ချိန်မရှိခြင်းက Physical Health တင်မကဘဲနဲ့ Negative Mood တွေဝင်တာ၊ Energy Level ကျဆင်းတာတွေဖြစ်တတ်တာကြောင့် ဦးနှောက်ကကျန်းမာစွာအလုပ်လုပ်နိုင်ဖို့ အိပ်ပျော်အောင်အိပ်ဖို့လိုပါတယ်။ ​Social Media ကို အချိန်နဲ့ နားနားပြီးသုံးပါ။ အခုချိန်မှာ အချိန်နဲ့အမျှ Update News တွေ၊ တိကျမှန်ကန်တဲ့ Information တွေကို မျက်ခြေမပျက်သိဖို့လိုတယ်ဆိုပေမယ့်လည်း Social Media တွေပေါ်မှာ နာရီပေါင်းများစွာဆက်တိုက်ကုန်ဆုံးနေမယ်ဆိုရင် ကြာရင် Stress တွေ၊ Negativity တွေဝင်လာဖို့ပိုလွယ်ပါတယ်။ ဒါကြောင့် နာရီဝက်၊ တစ်နာရီသုံးပြီးတိုင်း မျက်လုံးနဲ့ စိတ်ကိုအနားပေးပြီးမှ ပြန်သုံးပါ။ ​လုပ်ရမယ့် လုပ်ငန်းဆောင်တွေကို သတ်သတ်မှတ်မှတ်လုပ်ပါ။ လက်ရှိကိုယ်က ပုဂ္ဂလိကဝန်ထမ်းအနေနဲ့ အလုပ်တွေဆက်ပြီးလုပ်ကိုင်နေရသေးဆိုရင်လည်း အခြေအနေအပြောင်းအလဲတွေကြောင့် တချို့တွေလုပ်ငန်းတွေမှာ လုပ်လက်စ Project တွေခဏရပ်ထားတာ၊ Process တွေပုံမှန်မလုပ်သေးတာမျိုးရှိမှာပါ။ ဒီလိုအနေအထားမျိုးမှာ ကိုယ့်ရဲ့ Future Career အတွက် ပူပန်ကြောင့်ကြမှုတွေရှိကြမှာပါပဲ။ ဒီတော့လက်ရှိကိုအရင်အာရုံစိုက်ထားပြီး ကိုယ့်ဘက်က တစ်နေ့တာလုပ်ငန်းဆောင်တာမှာ ဘာတွေဆက်ပြီးလုပ်သွားလို့ရမလဲ၊ ဘာတွေကြိုတင်ပြင်ဆင်ထားလို့ရမလဲဆိုတာ သေချာသတ်မှတ်ပြီးလုပ်သွားရင် လုပ်စရာမရှိဘူးဆိုတဲ့ အတွေးတွေ၊ ပူပန်မှုတွေကို လျော့နည်းစေနိုင်မှာပါ။ ​စိတ်ဖိစီးမှုလျှော့ချပေးတဲ့ အစားအသောက်တွေစားပေးပါ။ Stress နဲ့ Anxiety တွေကို လျှော့ချပေးတဲ့နေရာမှာ ကောင်းမွန်တဲ့အစားအစာတွေဖြစ်တဲ့ ထောပတ်သီး၊ လိမ္မော်သီး၊ ငှက်ပျောသီး၊ ဟင်းနုနွယ်၊ ကြက်ဥ၊ ဒိန်ချဉ်၊ Dark Chocolate တို့ကို နေ့စဉ်စားတဲ့အစားအစာထဲမှာ ထည့်သွင်းစားသောက်ကြည့်ပါ။ ​တခြားသူများကို တတ်နိုင်တဲ့ဘက်ကကူညီပေးပါ။ ကိုယ့်ရဲ့လုပ်ဖော်ကိုင်ဖက်တွေ၊ အပေါင်းအသင်းသူငယ်ချင်းတွေနဲ့ အမြဲပြောဆိုဆက်သွယ်နေပြီးတော့ ကိုယ်တတ်နိုင်တဲ့ဘက်ကနေ ဖေးမကူညီပေးပါ။ Mentally Support လုပ်ပေးပါ။ တခြားသူတွေကိုကူညီပေးတာကလည်း ကိုယ့်ရဲ့ဖိစီးမှုတွေကို တစ်နည်းတစ်ဖုံလျော့ကျစေပါတယ်။ ​ဒီနည်းလမ်းလေးတွေက လက်ရှိကြုံတွေ့နေရတဲ့ စိတ်ဖိစီးမှုတွေ၊ ပူပန်သောကတွေကိုလျော့ကျစေဖို့ တစ်ဖက်တစ်လမ်းကအထောက်အကူဖြစ်မယ်လို့လည်းမျှော်လင့်ပါတယ်။ ​To Read More Articles -ဂရုစိုက်သင့်တဲ့ COVID ကာလနောက်ဆက်တွဲရဲ့ လုပ်ငန်းခွင်နဲ့ Mental Healthစိတ်ဖိစီးမှုကိုဘယ်လိုဖြေရှင်းကြမလဲ?မိမိကိုယ်ကို ပျောက်ဆုံးသွားသောအခါ

​COVID ရောဂါရဲ့ နောက်ဆက်တွဲရလဒ်အနေနဲ့ အချိန်အတော်ကြာ Work From Home လုပ်ရတဲ့အခါ လူတွေဟာ ကိုယ်နဲ့မရင်းနှီးတဲ့ New Normal ကြောင့် ခါတိုင်းထက် ၂ဆ‌ပိုပြီး စိတ်ဖိစီးကြတာကို မြင်‌တွေ့‌နေရပါတယ်။ ရုတ်တရက်ကြည့်ရင်တော့ အိမ်ကနေ အလုပ်လုပ်ရတာ ပိုကောင်းသလို၊ ပိုအနားရသလို ထင်ကြ‌ပေမယ့် တကယ်တမ်း အိမ်မှာ Distractions တွေကြုံရတဲ့အခါ၊ ရုံးမှာလို ကိုယ့်ကိုစောင့်‌ကြည့်နေတဲ့သူတွေမရှိတဲ့အခါ အလုပ်လုပ်ချင်စိတ် Motivation ကို မွေးမြူရတာက ပိုလာတဲ့ အလုပ်တစ်ခုဖြစ်ပါတယ်။ ​ကြာလာတဲ့အခါ ကိုယ့်ကိုယ်ကို အချိန်တိုင်း Productive ဖြစ်ဖို့ ကြိုးစားရတာ ပိုခက်ခဲလာတဲ့အတွက် အရင်လို ရုံးပဲပြန်တက်ချင်တာလိုလို၊ အလုပ်သစ်ပဲရှာချင်တာလိုလို၊ Career Goal ပဲ ပျောက်လာသလိုလိုမျိုး မသိမသာ ခံစားလာကြရပါတယ်။ ဒါကို ဘာမှမလုပ်ဘဲထားမယ်ဆိုရင် Stress ကြောင့် ခါတိုင်းထက် စိတ်တိုလွယ်လာတာမျိုး၊ စိတ်ဓာတ်ကျတဲ့ ခံစားချက်မျိုးနဲ့ Negative Impact တွေ ဖြစ်လာနိုင်ပါတယ်။ ဒါကြောင့် ဒီလိုအခြေအနေမျိုးမှာ လုပ်ကြည့်သင့်တဲ့ Mental Health Care Tips လေးတွေကို ဝေမျှပေးလိုက်ပါတယ်။​Accept the realityCOVID ကြောင့် ဒုက္ခရောက်ရတာ တစ်ကမ္ဘာလုံးပါပဲ။ တချို့နိုင်ငံတွေဆိုရင် မြန်မာနိုင်ငံထက်တောင် ရောဂါကူးနှုန်း၊ သေနှုန်းတွေ မြင့်ပြီး အခုထက်ထိ နလန်မထူနိုင်‌ကြသေးပါဘူး။ ကိုယ်အသုံးမကျလို့ အလုပ်တွေမဖြစ်တာ မဟုတ်ဘဲ၊ ကိုယ်လုပ်နိုင်သလောက် လုပ်ရဲ့သားနဲ့ အလုပ်မဖြစ်တာတွေ ခဏခဏကြုံကြရမှာပါ။ တကယ်လို့ ကိုယ်က Sales Professional တစ်ယောက်ဆိုရင် Customer တွေဖက်ကနေ နေပြီးတွေးကြည့်ပါ။ ကိုယ်ကိုယ်တိုင်ဆိုရင်ရော အခုလို ကပ်ရောဂါဖြစ်နေတဲ့အချိန်မှာ ငွေရေးကြေးရေး စီမံခန့်ခွဲတာကို ပိုပြီးစနစ်တကျလုပ်ချင်မှာပဲ မဟုတ်လား? ဒါကြောင့် ခါတိုင်း သုံး၊ လေး၊ ငါးခု ဝယ်နေကျ Customer က တစ်ခု၊ နှစ်ခုလောက်ပဲ ဝယ်တော့တဲ့အခါ ကိုယ့်ရဲ့ Sales Skills တွေ မကောင်းတာမျိုးကြောင့် မဟုတ်ပဲ လက်ရှိအခြေအ‌နေကြောင့် ဆိုတာကို လက်ခံနိုင်ဖို့လိုပါတယ်။ ​Have a to-do-list ဒီကာလမှ အလုပ်နဲ့ပတ်သက်ပြီး အချိန်ကိုစီမံခန့်ခွဲခွင့်က ကိုယ့်လက်ထဲမှာ ရှိနေပါတယ်။ အလုပ်မဖြစ်လို့ စိတ်ညစ်တယ်၊ စိတ်ညစ်တယ်ဆိုပြီး ဘာမှမလုပ်ဘဲထိုင်‌နေရင် ပိုစိတ်ညစ်ရတတ်ပါတယ်။ အဲဒီတော့ တစ်‌နေ့စာတစ်‌နေ့ ဘာ‌လေးပြီးအာင်လုပ်မယ်ဆိုတဲ့ List လေး ရှိထားတဲ့အခါ စိတ်လေဖို့၊ အချိန်ဖြုန်းဖို့ ရာခိုင်နှုန်းက နည်းသွားပါတယ်။ ပြီးတော့ Goal Setting လုပ်ကြည့်ဖို့လည်း တိုက်တွန်းချင်ပါတယ်။ နောက်၂ နှစ်နေရင် မြင်ချင်တဲ့ ကိုယ့်ရဲ့ ပုံစံကို စိတ်ကူးနဲ့စဉ်းစားပြီး၊ တကယ်ဖြစ်လာဖို့ လုပ်ရမယ့် Task တွေကို စပြီး အကောင်အထည်ဖော်မယ်ဆိုရင် ကိုယ်တိုင်လည်း စိတ်ဓာတ်တက်ကြွလာမှာ ဖြစ်ပါတယ်။ ​Appreciate yourself ရောဂါပိုးကြောင့် သေတဲ့လူတွေ သိန်းသန်းမက ရှိနေတဲ့အထဲမှာ ကိုယ်က ကျန်းကျန်းမာမာနဲ့ နေထိုင်စားသောက်နိုင်တာဟာ တကယ်တော့ ဆုလာဘ်ကြီးတစ်ခုပါပဲ။ ကျန်းမာရေးထက် အရေးကြီးတာ ဘာမှ မရှိပါဘူး။ စိတ်ညစ်၊ စိတ်ဓာတ်ကျလာရင် ခန္ဓာကိုယ်မှာ ခုခံအားနည်းလာတတ်သလို၊ ဟော်မုန်းအပြောင်းအလဲလည်း ဖြစ်နိုင်ပါတယ်။ ဒီကာလက ကိုယ့်ရဲ့ စိတ်ကျန်းမာရေးရော၊ ကိုယ်ကျန်းမာရေးကိုပါ အထူးဆင်ခြင်ပြီး သေချာဂရုစိုက်မှသာ ဒီကပ်ဘေးကနေ ကျော်လွှားနိုင်မှာပါ။ အခုချိန်ထိ ရောဂါမဝင်အောင်၊ ပြင်းပြင်းထန်ထန် မနာမဖျားအောင် နေထိုင်နိုင်တဲ့ ကိုယ့်ကိုယ်ကို ကျေးဇူးတင်ပါ။ ကိုယ့်ကိုယ်ကို ပိုပြီးချစ်ပါ။ အကောင်းမြင်စိတ်ဆိုတာ စိတ်ဓာတ်ကြံ့ခိုင်တဲ့သူတွေမှ လုပ်နိုင်တဲ့ အရာတစ်ခုပါ။ ​Join the counseling sessions တစ်ချို့က Free လုပ်ပေးတာလည်း ရှိသလို၊ အခကြေးငွေယူပြီး လုပ်ပေးတာလည်း ရှိပါတယ်။ သူတို့က ကိုယ်ပြောတာကို နားထောင်ပေးတယ်၊ စာနာပေးတယ်၊ နှစ်သိမ့်ပေးတယ်၊ နားလည်ပေးတယ် ပေါ့နော်။ အကြံပေးတာတွေ၊ Solution ပေးတာတွေတော့ လုပ်လေ့မရှိပါဘူး။ ဒါပေမယ့် ဘာကို သဘောပေါက်လာနိုင်လဲဆိုရင် "အခုလို ခံစားနေရတာက ကိုယ်တစ်ယောက်တည်း မဟုတ်ဘူး" ဆိုတဲ့ စိတ်လေးကို ဖြစ်လာစေတဲ့အပြင် တစ်စုံတစ်ယောက်ကို ပြောပြလိုက်ရတဲ့အတွက် စိတ်ထဲမှာ တစ်နည်းတစ်ဖုံ ပေါ့ပါးသွားစေပါတယ်။ ဒါကြောင့် ကိုယ့်ရဲ့ Mental Health ကို သေချာဂရုစိုက်ဖို့ လိုနေပြီဆိုရင်တော့ Professional တွေနဲ့ Counselling လုပ်ပြီး ဆွေးနွေးကြည့်ဖို့ အကြံပေးလိုပါတယ်။ ​ဖော်ပြခဲ့တဲ့ အချက်လေးတွေကို လုပ်ကြည့်ရင်းနဲ့ ပိုမိုကောင်းမွန်တဲ့ Physical Health, Mental Health တွေကို ပိုင်ဆိုင်နိုင်ကြပါစေ။ ​To Read More Articles -Stay Home ကာလရဲ့ Comfort Zone ကနေဘယ်လိုရုန်းထွက်ကြမလဲ?Stress ကင်းကင်း Work from HomeCareer Break မှာရလာတဲ့ Depression ကိုဘယ်လိုကုစားကြမလဲ?

"အလုပ်မရှိက ဘဝမရှိနိုင်၊ ဘဝကို အလုပ်နဲ့တည်ဆောက်" ဆိုတဲ့အတိုင်း ကျွန်မတို့တွေဟာ တစ်နေ့တာ စတင်ပြီဆိုတာနဲ့ လုပ်ငန်းခွင်ကိုသွားဖို့အတွက်ပြင်ဆင်ကြရပါတယ်။ နေ့စဉ်နဲ့အမျှကြုံတွေ့နေရတဲ့ အခက်အခဲတွေ စိတ်ဖိစီးမှုတွေများလာတဲ့အခါ တစ်ခါတစ်ရံ အလုပ်မှာစိတ်မပါတာတွေ၊ Boring ဖြစ်တာတွေ ကြုံတွေ့လာကြရပါတယ်။ ဒါကြောင့် ဒီလိုမျိုးတွေဖြစ်လာရင်...​Break Time ယူပါ။ လုပ်လက်စအလုပ်ကို ခဏထားခဲ့ပြီး ၅-၁၀ မိနစ် ဖြစ်စေ အာရုံလွှဲပြီး စိတ်ကိုခဏအနားပေးပါ။ Computer ရှေ့ထိုင်နေပြီး အလုပ်ကိုစိတ်မပါလက်မပါလုပ်တာထက် စိတ်ကိုသေချာပြင်ဆင်ပြီးလုပ်ခြင်းဟာ အလုပ်ကို Efficient ဖြစ်စေတာမို့ Break ယူပြီးမိမိစိတ်ကို အနားပေးပါ။ ထို့နောက်မှ ကြည်လင်လန်းဆန်းသော စိတ်အသစ်ဖြင့်ပြန်လည်လုပ်ဆောင်ကြည့်ပါ။​Motivation ရှာပါ။ ကိုယ်ဟာ ဘာကြောင့် ဒီအလုပ်ကိုလုပ်နေသလဲ၊ ကိုယ်ဘာဖြစ်ချင်တာလဲ သိအောင်လုပ်ပါ။ ဥပမာ - ကိုယ်ဟာ ငွေကြောင့် အလုပ်လုပ်တယ်ဆိုပါစို့။ ငွေများများရအောင် အလုပ်များများ ကြိုးစားရမှာပါ။ မိမိစိတ်ကို ပြင်ဆင်ပီး"ငါငွေရှာရမယ်ဆိုတဲ့စိတ်နဲ့" လုပ်တာမျိုး၊ "ငါရာထူးတိုးရမယ်" ဆိုတာမျိုး စသဖြင့် မိမိလိုချင်တဲ့အရာအတွက်တွေးပြီး Motivation ပြန်ရယူနိုင်ဖို့ကြိုးစားပါ။ ​Life Goal ကို ချရေးပါ။ ကိုယ့်ဘဝမှာ ဘာကိုအောင်မြင်ချင်လဲ? အလုပ်အတွက်သာမက ကိုယ့် Personal Life အတွက် ပါစဉ်းစားပါ။ ကိုယ့်ရဲ့ Goal Plan ကို အမြဲ update လုပ်ပါ။ ဒီနေ့တစ်နေ့တာအတွက်အလုပ်လည်းလုပ်ရင်း ကိုယ့်ရဲ့ Goal အတွက်ပါ ကိုယ့်ရဲ့ Goal ကိုပါနီးစပ်အောင် အနည်းအကျဉ်းပဲဖြစ်ဖြစ်လုပ်ဆောင်ကြည့်ပါ။ ဘောလုံးတစ်လုံးကိုစပြီးလှိမ့်သကဲ့သို့ မိမိဂိုးပေါက်ထိဝင်အောင် နေ့စဉ်လုပ်ဆောင်ပါ။​Challenge အသစ်တစ်ခုဖန်တီးပါ။ ပုံမှန်အတိုင်း အလုပ်လုပ်ရတာ ပျင်းလာပြီဆိုရင် ကိုယ်နေ့စဉ်လုပ်နေ့ကျ Repeated အလုပ်တွေထဲက ခွဲထွက်ကြည့်ပါ။ Project အသစ်တစ်ခုဖြစ်စေ၊ ကိုယ်နဲ့မရင်းနှီးသေးတဲ့ နယ်ပယ်တစ်ခုကိုဖြစ်စေ စတင်လေ့လာကြည့်ပါ။ သင်ဟာ အလုပ်မှာပျင်းနေတာဟာ သင့်မှာလုံလောက်တဲ့ Challenge တစ်ခုမရှိတဲ့အတွက် ပုံမှန်လုပ်နေကျတဲ့မတူနဲ့ အလုပ်ကိုစလုပ်ပါ။ တစ်စုံတစ်ယောက်မှဖြစ်စေ အထက်လူကြီးမှဖြစ်စေ Challenge ပေးလာတာကို ထိုင်စောင့်မနေဘဲ ကိုယ့်အတွက် ကိုယ်တိုင်ဖန်တီးကြည့်ပါ။ ကိုယ်တိုင် ဘယ်လို Challenge လုပ်မလဲ? အလုပ်မှာ goal တစ်ခု ချမှတ်ပါ။ ကိုယ့်ကိုကိုယ် Production Machine တစ်ခုလို သဘောထားပြီး တစ်နေ့ထက်တစ်နေ့ ထုတ်လုပ်အား ပိုမိုကောင်းလာအောင် ကြိုးစားကြည့်ပါ။​To Read More Articles -Stay Home ကာလရဲ့ Comfort Zone ကနေဘယ်လိုရုန်းထွက်ကြမလဲ?Work From Home လုပ်နေချိန်မှာ ပေါ်လာနိုင်တဲ့ Distraction တွေကို ဘယ်လိုရှောင်ရှားကြမလဲ?COVID ကာလမှာ ရလာတဲ့စိတ်ဖိစီးမှုတွေကို ဘယ်လိုအသုံးချကြမလဲ?

အကယ်၍ကိုယ်ဟာ လက်ရှိအလုပ်မှာအခြေကျလာပြီလို့ ခံစားရတာပဲဖြစ်ဖြစ်၊ လက်ရှိ Organization နဲ့အသားမကျတာပဲဖြစ်ဖြစ်ရှိလာမှ ကျွန်မတို့တွေဟာအလုပ်သစ်တစ်ခုကို စပြီးရှာဖြစ်ကြတာများပါတယ်။ ဒီတစ်ခါတော့ ဘာကြောင့်အလုပ်တစ်ခုမှာလက်ရှိလုပ်နေသည့်တိုင်အောင် ရှိလာမယ့် Opportunities အသစ်လေးတွေအတွက် Open လုပ်ထားသင့်တယ်ဆိုတဲ့အကြောင်းအရာလေးကို Reason လေး (၅) ခုခွဲပြီး ဆွေးနွေးတင်ဆက်ပေးမှာဖြစ်ပါတယ်။ ​Loyalty Doesn't Pay အကယ်၍ မိမိဟာ လက်ရှိ Organization အပေါ်မှာ သစ္စာရှိရှိနဲ့ အချိန်တွေ၊ နှစ်တွေအကြာကြီးပေးဆပ်ခဲ့သည့်တိုင်အောင် မိမိဘဝအတွက် လုံလောက်တဲ့လစာနဲ့ Career Development ကို အဖွဲ့အစည်းဖက်ကနေ မပေးနိုင်တဲ့အနေအထားမျိုးကြုံတွေ့လာခဲ့ရင် အလုပ်သစ်တစ်ခုရှာကိုရှာသင့်တဲ့အခြေအနေဖြစ်လာပါပြီ။ သုတေသီတွေရဲ့စာတမ်းတွေအရ Average 2.4 years or Less အလုပ်လုပ်ခဲ့ပြီးလို့ Same Position or Same Salary ဖြစ်နေမယ်ဆိုရင်တော့ သင်ဟာနောက်အလုပ်တစ်ခုကို စတင်ပြီးရှာဖွေသင့်ပါပြီ။ ​Things can change quickly နောက်တစ်ချက်က မိမိတို့ရဲ့ Organization အကြောင်းကိုလည်းအမြဲမပြတ်လေ့လာထားဖို့လိုပါတယ်။ လက်ရှိ ကိုယ်လုပ်နေတဲ့ ဌာနက Business နဲ့မဆိုင်တဲ့ဌာနဖြစ်သည့်တိုင်အောင် မိမိ Organization ဟာ Profit ဖြစ်နေ၊ မနေ ကိုအမြဲလေ့လာထားသင့်ပါတယ်။ အကယ်၍ Organization ဟာ Stability လျော့နဲလာပြီလို့ မိမိအနေနဲ့ခံစားမိလာတာမျိုးဆိုရင်လည်း New Opportunities တွေကိုစတင်ပြီး Chase လုပ်သင့်ပါပြီ။ ယခုလို Covid ကာလမျိုးမှာ ဘာမဆိုဖြစ်သွားနိုင်တဲ့အတွက် အခွင့်အလမ်းအသစ်တွေအတွက် Open လုပ်ထားတာတော့ အကောင်းဆုံးပါပဲ။ ​Market Information & Situation နောက်တစ်ချက်ကတော့ မျက်စိပိတ်၊ နားပိတ်ပြီးနေတဲ့အလေ့အကျင့်ကိုဖျောက်ဖို့လိုပါတယ်။ မိမိဟာ လက်ရှိအလုပ်မှာ အစစအရာရာ အဆင်ပြေနေသည့်တိုင်အောင် Local Market ထဲမှာရှိနေတဲ့ ကိုယ်နဲ့သက်ဆိုင်တဲ့ Position မျိုးတွေကို အမြဲ Aware ဖြစ်နေသင့်ပါတယ်။ ဒါမှသာ ကိုယ်ရနေတဲ့လုပ်အားခနဲ့ရာထူးဟာ Market Range တစ်ခုထဲရှိနေ၊ မနေ သိနိုင်မှာဖြစ်တဲ့အတွက် အလုပ်ပြောင်းသင့်၊ မသင့်လည့် လွယ်လွယ်ကူကူဆုံးဖြတ်လို့ရနိုင်မှာဖြစ်ပါတယ်။ ​Career Development မိမိဟာလက်ရှိ Assistant Manager Level နဲ့ လက်ရှိအလုပ်မှာလုပ်နေတယ်။ Organization Culture အရလည်းရှေ့ဆက်ပြီး Promotion တက်ဖို့ကလည်းမရှိဖြစ်နေတဲ့ အနေအထားမျိုးတွေ အများစုကြုံဖူးကြပါတယ်။ ဒီလိုမျိုးအနေအထားကြုံရပြီဆိုရင်တော့ ကိုယ်လိုချင်တဲ့ Career Development မျိုးကိုပေးနိုင်တဲ့ အဖွဲ့အစည်းမျိုးကို စပြီး Chase လုပ်ဖို့ကောင်းပါပြီ။ ​Nothing to lose by opening for new opportunities ဟုတ်ပါတယ်။ သင့်အတွက်ဘာမှဆုံးရှုံးစရာမရှိပါဘူး။ အကယ်၍ Interview တွေရပြီး အလုပ်သစ်မပြောင်းနိုင်သေးသည့်တိုင်အောင် ကိုယ့်အတွက်အကျိုးအများကြီးရှိပါတယ်။ Interview ဖြေတဲ့ experience တွေအပြင် New Companies, Businesses နဲ့ Network တွေလည်းအများကြီးရလာနိုင်ပါသေးတယ်။ ​ဒါကြောင့် Career opportunities တွေကို မျက်စိဖွင့်နားစွင့်စောင့်ကြည့်နေသင့်ပါကြောင်း ဆွေးနွေးရင်းအကြံပြုပါတယ်။ ​To Read More Articles -COVID-19 ကပ်ရောဂါနှင့်အပြိုင် အလုပ်ရှာ‌ဖွေသူများအတွက် သိကောင်းစရာများအလုပ်အသစ်လျှောက်တော့မယ်ဆိုရင် သင့်ကိုယ်သင် ဘယ်အချက်တွေကို ဆန်းစစ်သင့်လဲ?ဘာအတွက်ကြောင့်အလုပ်ပြောင်းသင့်လဲ? အလုပ်ပြောင်းတဲ့အခါမှာ ဘာတွေသိထားသင့်လဲ?​

​Client နဲ့ Customer တွေကို Bad Mouthing လုပ်ခြင်းက ကိုယ့်ရဲ့ Professionalism ကိုဘယ်လောက်ထိ ဆိုးကျိုးတွေ သက်ရောက်နိုင်မလဲ? ​ဒီ Blog ကတော့ Sales Professional တွေအတွက် အဓိကရည်ရွယ်ပါတယ်။ လုပ်ငန်းခွင်ထဲမှာ ရာထူးနဲ့ အရည်အချင်းမကိုက်ညီတဲ့ ပြႆနာဟာ တစ်နည်းမဟုတ်တစ်နည်း ကြုံတွေ့ကြရပါတယ်။ တချို့က လက်ရှိရာထူးထက်မြင့်တဲ့နေရာမှာ ရှိသင့်တယ်လို့ မြင်ကြတဲ့အထိတော်ပြီး၊ တချို့က ကိုယ့် JD တွေတောင် သိရဲ့လားလို့ မှတ်ချက်ချရတဲ့အထိ သိသိသာသာ လွဲနေတတ်ပါတယ်။ ရာထူးငယ်ရင် သိပ်ပြဿနာမရှိသေးပေမယ့်၊ ရာထူးကြီးပြီး ကိုယ်တာဝန်ယူထားတာကို မလုပ်နိုင်တဲ့အခါ၊ ချို့ယွင်းချက်တစ်ခုခု၊ အကျင့်တစ်ခုခု ရှိနေတဲ့အခါ ကျွန်‌တော်တို့ဟာ ပိုပြီး Judge လုပ်မိတတ်ကြပါတယ်။ တစ်နည်းပြောရရင်တော့ အထင်သေးတာမျိုး၊ မကောင်းပြောတာမျိုးပေါ့။ ဥပမာ .. "ဟင် Director လည်း ပြောသေးတယ် ဒါလေးတောင် မသိဘူး"၊ "သူတို့ရုံးက Manager ကလည်း အပေါက်ဆိုးတဲ့အပြင်၊ ရုပ်ကလည်း ဆိုးသေး"၊ "အဲဒီတစ်ယောက်ပေါ့၊ အရမ်း နှာဘူးတာ၊ ချောချောလေးတွေမှ ပရောဂျက် ချပေးတာ" စသဖြင့်ပေါ့ မကုန်နိုင် မခန်းနိုင် ပြောတတ်ကြတဲ့အထဲက တချို့ကို ဖော်ပြပေးတာ ဖြစ်ပါတယ်။ တစ်ဖက်သားကို ဝေဖန်သုံးသပ်မိတာက အပြစ်မဟုတ်ပေမယ့် ထုတ်‌ဖော်ပြောဆိုလိုက်ခြင်းဟာ ဘယ်လို အကျိုးဆက်တွေကို ဖြစ်လာနိုင်စေသလဲဆိုတာ ဆက်ပြောပြပါမယ်။ .................အလုပ်နဲ့ ပတ်သက်ရာပတ်သက်ကြောင်း ဆက်ဆံရတဲ့အခါ လူတိုင်းဟာ လူကြီးလူကောင်း ဖြစ်လိမ့်မယ်လို့ မျှော်လင့်လို့ မရပါဘူး။ အလကားနေရင်း အော်ဟောက်ချင်တဲ့သူ၊ Blame လုပ်ချင်တဲ့သူ၊ အနိုင်ကျင့်ချင်တဲ့သူ၊ ပါဝါပြချင်တဲ့သူ စသဖြင့် အများကြီးတွေ့ရမှာပါ။ လူ့သဘာဝအရ မကောင်းတာတစ်ခုခု ဆိုရင် (ကိုယ်နဲ့ ဆိုင်ဆိုင်၊ မဆိုင်ဆိုင်) ပိုပြောချင်၊ Share ချင်တတ်ကြပါတယ်။ ဒါပေမယ့် Work Ethics ရှိတဲ့ Business Professional တစ်ယောက်အဖြစ် ရပ်တည်ဖို့ ဆန္ဒရှိတယ်ဆိုရင်တော့ သေချာပေါက် ဒါကို ဆင်ခြင်ရမှာ ဖြစ်ပါတယ်။ တကယ်လို့ အလုပ်ထဲမှာ တခြားတစ်ယောက်ယောက်ကို ပြောပြချင်တာဆိုရင်တော့ Facts တွေပဲ ပြောပါ။ ဖြစ်နိုင်ရင် Emotions တွေ သိပ်မပြောပါနဲ့။ ဥပမာ - "ဒီ Customer ကတော့ တော်တော် နားဝေးတာပဲ၊ ဒီမှာ ဒီလို ရှင်းပြထားတာကို မတွေ့ဘဲ ငါ့ကို ပြန်လာမေးနေတယ်၊ တကယ် အာရုံဘဲ၊ Stupid ဖြစ်လိုက်တာ၊ စိတ်ညစ်တယ်ကွာ" ဆိုတဲ့ အပြောမှာ Emotions နဲ့ Fact ကို အလွယ်တကူ ခွဲထုတ်နိုင်ပါတယ်။ "Every wall has ears" ဆိုတဲ့အတိုင်း၊ မထင်မှတ်ပဲ တစ်ဖက်က ပြန်သိသွားခြင်းမျိုးဟာ နောက်ပိုင်း ဆက်ဆံရေးတည်ဆောက်တဲ့နေရာမှာ အတော်ကို ခက်ခဲစေပါတယ်။ ................. နောက်တစ်ချက်ကတော့ အခုလို Stay Home ကာလမှာ အားလုံးဟာ ဖုန်းနဲ့ပဲ များသောအားဖြင့် ဆက်သွယ်ကြရပါတယ်။ ဖုန်းအများစုဟာ Recording လုပ်လို့ရတယ်ဆိုတာလည်း သတိရစေချင်ပါတယ်။ အလုပ်နဲ့ဆိုင်တဲ့ ဖုန်းတိုင်းဟာ Record လုပ်နေတယ်ဆိုတဲ့ ခံယူချက်မျိုးနဲ့ ကိုယ်ပြောတဲ့ စကားတိုင်းဟာ Company ကို ကိုယ်စားပြုပြီး Professional ဆန်နေရပါမယ်။ နောက်ပြီး ဖုန်းမချမိသေးဘဲ ကိုယ့်ဖက်က မကျေနပ်တာ တစ်ခုခု ပြောမိတာမျိုး၊ အလုပ်က Virtual Group တွေထဲမှာ Public Chat နဲ့ Private Chat ကို မှားပို့မိတာမျိုးပေါ့ စသဖြင့် ဖြစ်တတ်ပါတယ်။ ကိုယ့်ဖက်က ဆင်ခြင်ထားတဲ့အခါ ဒီလို မတော်တဆမျိုးတွေ မဖြစ်အောင် ရှောင်ကြဉ်လို့ရပါတယ်။ ................. နောက်ဆုံးတစ်ချက်ကတော့ ကိုယ့် Team ရဲ့ Client အပေါ်မှာထားတဲ့ သဘောထားနဲ့ Respect ကို ထိခိုက်စေပါတယ်။ သူတို့အနေနဲ့ "ငါတို့ မန်နေဂျာတောင်မှ အဲ႔ဒီ Client မကောင်းကြောင်း တစ်ချိန်လုံးပြောနေတာ ငါတို့လည်း သိပ်ဂရုစိုက်မနေတော့ပါဘူး" ဆိုတာမျိုး ဖြစ်လာနိုင်ပါတယ်။ ပြီးတော့ တစ်ခုခုမှားတဲ့အခါ Client ကိုပဲ အရင် အပြစ်တင်မိတာမျိုး ဖြစ်တတ်ပါတယ်။ ဒါပေမယ့် တကယ်တမ်း ပြန်စစ်ဆေးတဲ့အခါ ကိုယ့်ဖက်က မှားနေတာမျိုး ကြုံရတဲ့အခါ ပိုပြီးမျက်နှာပူရတဲ့အဖြစ်မျိုး ရှိနိုင်ပါတယ်။ ကိုယ်က Team တစ်ခုကို ဦးဆောင်နေရတဲ့ သူမျိုးဆိုရင် ဒီအချက်ကို အထူးသတိထားရမှာ ဖြစ်ပါတယ်။ အထက်မှာ ဖော်ပြခဲ့တဲ့ အကြောင်းအရာတွေကို သတိထားပြီး Control လုပ်နိုင်မယ်ဆိုရင် ကိုယ့်ရဲ့ Emotional Quotient ကလည်း မြင့်လာမှာ ဖြစ်သလို၊ အလုပ်ထဲက Career Professionalism ကိုလည်း ပိုပြီး ထိန်းသိမ်းထားနိုင်မှာ ဖြစ်ကြောင်း အကြံပြုလိုက်ရပါတယ်။ ​To Read More Articles -လုပ်ငန်းခွင်က လုပ်ဖော်ကိုင်ဖက်တွေနဲ့ အဆင်ပြေအောင် ဘယ်လိုနေထိုင်ကြမလဲ?ပိုမိုအောင်မြင်ထင်ပေါ်တဲ့လူတစ်ယောက်ဖြစ်လာဖို့ လုပ်ဖော်ကိုင်ဖက်တွေဆီက ဘာတွေလေ့လာသင်ယူနိုင်မလဲ?အပြုံး နဲ့ စကားလုံး