facebook tracking image

Connecting...

Banner Default Image

လုပ်ငန်းခွင်က လုပ်ဖော်ကိုင်ဖက်တွေနဲ့ အဆင်ပြေအောင် ဘယ်လိုနေထိုင်ကြမလဲ?

Mobile Default Image

02 Jan 15:00 by Nora Kyaw

Colleague

လုပ်ငန်းခွင်မှာ လုပ်ဖော်ကိုင်ဖက်တွေနဲ့ အဆင်ပြေအောင်နေထိုင်နိုင်ဖို့က အရမ်းကိုအရေးကြီးပါတယ်နော်။ တစ်နေ့ကို အနည်းဆုံး ၈ နာရီလောက် လုပ်ငန်းခွင်မှာနေထိုင်နေကြရတဲ့အတွက် လုပ်ဖော်ကိုင်ဖက်တွေနဲ့ မသင့်မြတ်ရင် အရမ်းစိတ်ညစ်ရပါတယ်။ အဲတော့ ဘယ်လိုနေထိုင်ကြမလဲ? 

၁။ အမြဲနှုတ်ဆက်ပါ။

အမြဲနှုတ်ဆက်ပါဆိုတာနဲ့ “နေကောင်းလား” “စားပြီးပြီလား” ဆိုတဲ့ ပဋိသဏ္ဍာရ စကားမျိုးအပြင် တစ်ဦးနဲ့တစ်ဦး ဖြတ်သွားဖြတ်လာလုပ်တဲ့အခါမျိုးမှာ မျက်လုံးချင်းဆုံပြီး အပြုံးလေးနဲ့ နှုတ်ဆက်လိုက်တာမျိုးကလည်း အဆင်ပြေစေပါတယ်။

၂။ အပြုသဘောဆောင်တဲ့ စကားမျိုး၊ အပြုအမူမျိုးကို ဖော်ပြပေးပါ။

လုပ်ဖော်ကိုင်ဖက်တွေရဲ့ မိသားစုကိစ္စတွေ၊ အတွင်းရေးကိစ္စတွေကို အတင်းပြောတတ်တဲ့သူမျိုး၊ အမြဲ အဆိုးမြင်တဲ့ အတွေးရှိနေတဲ့သူမျိုးနဲ့ ဘယ်သူမှအပေါင်းအသင်းမလုပ်ချင်ပါဘူး။ အပြုသဘောဆောင်၊ အကောင်းမြင်တတ်တဲ့ စိတ်ထားလေးကလည်း အလုပ်လုပ်နေချိန်မှာ စိတ်ကြည်လင်စေတဲ့ အပြင် လုပ်ဖော်ကိုင်ဖက်တွေကလည်း ကိုယ်နဲ့ အမြဲပြောဆိုဆက်ဆံချင်လာပါတယ်။

၃။ တစ်ဖက်သား စိတ်ဝင်စားမဲ့ အကြောင်းအရာကို မေးပေးပါ။ နားထောင်ပေးပါ။

အကယ်၍ သူတို့ရဲ့ ဝါသနာ၊ သူတို့ရဲ့ အောင်မြင်စေတဲ့ အကြောင်းအရာများကို မေးမြန်းပေးပြီး နားထောင်ပေးခြင်းကလည်း ကိုယ့်အတွက် Knowledge ရစေသလို သူနဲ့ ကိုယ်ရဲ့ လုပ်ငန်းခွင်ဆက်ဆံရေးကလည်း အရမ်းကောင်းမွန်လာစေပါတယ်။ (ဥပမာ - ဝန်ထမ်းတွေရဲ့ compliants ကို သူဘယ်လိုဖြေရှင်းခဲ့ပေးသလဲ ဆိုတာမျိုး ဒါမှမဟုတ် သူ့အတွက် Product အသစ်တစ်ခုကို အောင်မြင်အောင် ဘယ်လိုကြိုးစားခဲ့သလဲ ဆိုတာမျိုးပေါ့)

၄။ စကားလုံးများကို ရွေးချယ်ပြီးမှ ပြောပါ။ 

ကိုယ်ပြောလိုက်တဲ့စကားက အမှတ်မထင်ပြောလိုက်တာဆိုပေမဲ့ စကားလုံးမရွေးချယ်ထားတဲ့အခါ ကိုယ့်ကြောင့် တစ်ဖက်သား ဝမ်းနည်းသွားရတာမျိုး၊ ကိုယ့်ကို နားလည်မှုလွဲသွားတာမျိုးတွေ ဖြစ်တတ်ပါတယ်။ ဒါကြောင့် စကားပြောတဲ့အခါ သင့်တော်တဲ့ အသုံးအနှုန်းမျိုးကို ရွေးချယ်အသုံးပြုဖို့ လိုပါတယ်။

၅။ ကလေးဆန်တဲ့ အပြုအမူမျိုးကို ရှောင်ရှားပါ။

လုပ်ငန်းခွင်မှာ မန်နေဂျာနဲ့ အဆင်မပြေတာ၊ လုပ်ဖော်ကိုင်ဖက်အချင်းချင်း ကတောက်ကဆဖြစ်တာနဲ့ Social Media ပေါ် ချက်ချင်း ရေးတင်တာမျိုးကို လုံးဝရှောင်ရှားသင့်ပါတယ်။ ကိုယ့် Account ထဲမှာ ကိုယ်နဲ့ ပြဿနာဖြစ်တဲ့သူအပြင် တခြားလုပ်ဖော်ကိုင်ဖက်တွေ အများကြီးရှိတာဖြစ်တဲ့အတွက် ၂ ဖက်လုံးအရှက်ရစေနိုင်ပါတယ်။ အဲဒါကြောင့် လုပ်ငန်းခွင်အဆင်မပြေမှုကို Social Media ပေါ် လုံးဝ (လုံးဝ) ရေးမတင်သင့်ပါဘူး၊

 ၆။ အလုပ်ချိန်အတွင်း Social Media အသုံးပြုမှု။

အလုပ်ချိန်အတွင်း ကိုယ့် Personal Case ကြောင့် Social Media သုံးနေခြင်းကို ဘယ် Management က ကြိုက်မှာမဟုတ်ပါဘူး။ ကျမရဲ့ အရင်အလုပ်မှာရှိတဲ့ owner ကပြောဖူးပါတယ်။ Facebook မှာ ဓာတ်ပုံ(၁)ပုံ တင်ဖို့ရန်အတွက် အနည်းဆုံး (၃) ပုံရိုက်ရပါတယ်။ အလှဆုံးပုံကို ရွေးတင်ကြတာကိုး။ အဲတော့ Management က ကိုယ့်ကို အမြဲ စောင့်ကြည့်နေတယ်ဆိုတာ သတိထားဖို့ လိုပါတယ်။

ဒီအချက်လေးတွေကို အသုံးပြုပြီး လုပ်ဖော်ကိုင်ဖက်များနှင့် အဆင်ပြေနိုင်ကြပါစေရှင်။

To Read More Articles -