The Importance of Accountability and Responsibility at Work

လုပ်ငန်းခွင်တာဝန်ခံမှု နှင့်တာဝန်ယူမှု

လုပ်ငန်းခွင်မှာ တာဝန်ခံမှူနဲ့တာဝန်ယူမှူရှိခြင်းတွေဟာ အင်မတန်အရေးကြီးပါတယ်။ မိမိကိုပေးထားတဲ့အလုပ်ကို ပြီးမြောက်အောင်လုပ်ဆောင်နိုင်တာ၊ နောက်ဆက်တွဲအကျိုးဆက် (ကောင်းတာဖြစ်စေ ဆိုးတာဖြစ်စေ)တွေအထိ ပြီးဆုံးအောင်ဆောင်ရွက်ပေးခြင်းရှိတာတွေဟာ တာဝန်ခံမှုနဲ့ တာဝန်ယူမှုပါပဲ။ တစ်ဦးတစ်ယောက်ချင်းစီမှာ တာဝန်ခံမှုရှိလာရင် မိမိနဲ့သက်ဆိုင်တဲ့ Team မှာလည်း တစ်ယောက်နဲ့တစ်ယောက် ယုံကြည်မှုတွေတိုးလာမယ်၊ ပူးပေါင်းဆောင်ရွက်နိုင်စွမ်းတွေ တိုးတတ်လာမှာဖြစ်တဲ့အပြင် Productivity ကလည်း တစ်ချိန်ထဲမှာ မြင့်တတ်လာပါလိမ့်မယ်။

တာဝန်ယူမှု၊ တာဝန်ခံမှုတွေ ပျက်ကွက်လာမယ်ဆိုရင် လူတစ်ဦးတစ်ယောက်ရဲ့ အလုပ်မပြီးမြောက်တာတွေကနေ နှောင့်နှေးမှု၊ အဲ့ကနေတဆင့် Team တစ်ခုလုံးရဲ့နှောင့်နှေးမှုဖြစ်လာစေပါတယ်။ Deadline တွေကျော်လာတာကို ဘာသိဘာသာ ဖြစ်လာတာတွေ အချိန်တိကျမှုမရှိတော့တာတွေ၊ မပြီးပြတ်သေးတဲ့ အလုပ်ကိစ္စတွေကို "ဘာမှမဟုတ်ပါဘူး၊ တစ်ခါတစ်လေပါပဲ"လို့ သဘောထားရာကနေ နောက်ပိုင်းမှာအကျင့်ပါသွားတတ်ကျပြီး အလုပ်ခွင်ထဲက Culture တွေ စည်းမျဉ်းစည်းကမ်းတွေကိုပါ ထိခိုက်လာစေနိုင်ပါတယ်။ အောက်ပါအချက်တွေကို သတိထားကြည့်မယ်ဆိုရင် တာဝန်ခံမှုဆိုတာကို လေ့ကျင့်ယူနိုင်ပါတယ်။

• ကြိုတင်ပြင်ဆင်ပါ။
• လုပ်မယ်လို့ ကတိပေးပြီးရင်၊ဆုံးဖြတ်ပြီးရင် ပြီးအောင်လုပ်ပါ။
• မိမိမလုပ်နိုင်တာကို တစ်ခါထဲငြင်းပါ။
• Over Promise မပေးပါနှင့်။
• အရေးကြီးတာနဲ့ အလျင်လိုတာကို ခွဲခြားသိပါစေ။
• မှားခဲ့ရင်လည်း ဝန်ခံတောင်းပန်ဖို့ မနှောင့်နှေးပါနှင့်။​

တာဝန်ခံမှုဆိုတာနဲ့ တာဝန်ယူမှုဆိုတာ တွဲပြီးပါလာစမြဲပါ။ မိမိရဲ့အောင်မြင်မှုတွေ ကျဆုံးမှုတွေဟာ  မိမိမှာအပေါ်မှာပဲ တာဝန်ရှိပါတယ်။ မိမိသဘောဆန္ဒနဲ့အညီ ဘယ်အရာကိုတော့ပြီးဆုံးအောင်လုပ်မယ်လို့ ဆုံးဖြတ်ထားကို Accomplish ဖြစ်တာဟာ တာဝန်ယူမှူပါပဲ။ မိမိကိုယ်တိုင်တာဝန်ယူလုပ်ရတဲ့ လုပ်ငန်းဆောင်တာတွေကိုတောင် ပြီးမြောက်မဆောင်ရွက်နိုင်ရင် တခြားတခြားသောအသစ်တွေကို ထပ်ပြီးသင်ယူဖို့မလွယ်ကူသလို မိမိရဲ့ မန်နေဂျာ သို့မဟုတ် လက်အောက်ငယ်သားတွေရဲ့ ယုံကြည်မှုကိုလည်း ရရှိနိုင်မှာ မဟုတ်ပါဘူး။ မိမိရဲ့တာဝန်ယူမှု တာဝန်ခံမှုရှိစေရန် မိမိမှာသာ အလုံးစုံမူတည်နေပါတယ် လို့ အပြုသဘောနှင့် ရေးသားတင်ပြလိုက်ပါတယ်။